Gabonak munduan zehar

Bideoa: GABONAK MUNDUAN ZEHAR

Urtea bukatzen ari da eta honekin gure oporrak gero eta gertuago daude. Nekatuak gaude eta oso ondo etorriko zaigu bi astez deskantsatzea. Gainera, opor hauek bereziak dira, eta seguru gutako gehiengoek bereziki maite ditugula GABONAK.

Suposatzen dugu dagoeneko mundu guztiak dakiela zergatik ospatzen diren jai hauek. Etxean, kalean, katekesian, eskolan, erlijioko klaseetan… toki askotan entzun dugu Jesusen jaiotzaren istorioa. Eta hain ondo ezagutzen dugunez, aste honetan bideo berezi bat ikustea proposatzen dizuegu. Bi bideo txiki hauetan ikusiko dugu Gabonak munduko herrialde askotan ospatzen dela, baino herrialde batetik bestera ohitura erabat ezberdinak dira. Horregatik bideo hauetan bitxikeri ezberdinak ikusiko ditugu beste herrialdeetan jai hauek nola ospatzen dituzten ikertzeko.

Gogoetarako galderak:

-          Ezagutzen ahal zenituen ohitura ezberdin hauek?

-          Ezagutzen al duzue bideoan agertzen ez den beste antzeko ospakizunik?

-          Zergatik uste duzue ospatzen direla Gabonak hain modu ezberdinetan?

-          Zuen ustez, ba al dago festa hauetan zerbait amankomunean?

-          Ba al dago sentimenduren bat herrialde guztietan sentituko dutena egun hauetan zehar? 

Maren panpintxoa

Ipuina: MAREN PANPINTXOA

Ipuin honen mezua da, ez dugula inor bakarrik utzi behar. Horretarako panpin baten istorioa kontatzen da, nor bakarrik gelditzen den triste triste gabonetan panpin berri bat iristen denean. Baino jabeak Marenen tristura ikustean, bi panpinak aurkezten ditu lagunak egin daitezen eta inor bakarrik geldi ez dadin.

Ipuin hau bideo baten bidez landuko dugu. Oso laburra da eta ulertzeko erraza. Haur txikientzat oso aproposa.

 Gogoetarako galderak:

       -  Nola bizi ziren hasieran Mikel eta Maren?

         - Nola uste duzue sentitu zela Maren gabonak iristean? Zergatik?

         - Nolakoa iruditzen zaizue Mikelek hartutako irtenbidea?

      -  Zuek noizbait sentitu al zarete bakarrik eskolan, etxean, patioan…?

       -  Zer egin dezakegu norbait bakarrik ikusten dugunean?

Eskuen pinua

Dinamika: ESKUEN PINUA

Ikasturtearen hasieran egin genuen antzera, gure eskuekin zuhaitz bat osatuko dugu. Baino oraingo honetan bakoitzak bere eskua egin beharko du eta berdez margotu. Seguruenik bakoitzak esku bat baino gehiago egin beharko du. Ekintza hau egiteko, polita izango litzateke, kurtso bereko ikasle guztiak elkartzea. Horrela, gela bakoitzeko zuhaitz bat egin beharrean, kurtso bakoitzeko bat izango genuke.

Eskuak prest ditugunean beheko argazkian ikusten dugun adibidean bezala, pinu bat osatuko dugu. Gela barruan itsatsi dezakegu, edo bestela pasilloan. Bukatzen dugunean apaintzeko aukera dugu. Apaingarri batzuk egin ditzakegu eta honetan zintzilikatu. 

Dinamika hau egiterakoan hausnarketa txiki bat egin dezakegu talde lanaren inguruan. Guztien eskuak garrantzitsuak dira, baten bat faltatzen bada, “sosoagoa” geratzen baita. 

Gabonei eskuak luzatu

Gogoeta: GABONEI ESKUAK LUZATU

Lan handia egin dugu dagoeneko eta oporren gogoz gaude. Hurrengo ostegunean hilabete berri batekin hasiko gara. Eta zein uste duzue dela abenduan landuko dugun balorea edo hitza? Jakina, egun hauetan zehar “Gabonei” buruz arituko gara.

Zer dira zuretzat Gabonak? Nola ospatzen dituzu? Galdera hauei erantzuten badiegu, konturatuko gara pertsona bakoitzarentzat esanahi desberdin bat duela, eta gainera ospatzeko hamaika modu daudela. Jatorriz, jai hauek ospatzen ditugu egun hauetan Jesusen jaiotza gogoratzen dugulako. Bera izan zen Jainkoak bidali zuen mesiasa. Bera zen bere semea.

Guztiok dakigun bezala, bere gurasoak Maria eta Jose izan ziren, eta ez zuten lan erraza izan. Hainbat arazo eta gero Belenera joan behar izan zuten, eta iristen zeudela, Jesus jaiotzeko ordua iritsi zen. Azkenean ukuilu batean jaio zen, munduko umerik xumeena bezala. Bere aitak mundua salbatzera bidali zuen; bere zeregina guztiz garrantzitsua zen. Baino ez zen gaztelu edo etxe dotore batean jaio. Honekin erakutsi nahi ziguten, Jesus, gu bezalako gizakia zela; baina benetan bihotz onekoa.

Eta pentsa dezagun orain zein lan ona egin zuen, 2.000 urte eta gero, berari buruz hitz egiten jarraitzen dugula. Berak erakutsitakoak gaur egun oraindik oso baliagarriak dira, bere ideiak eta baloreak ez dira zaharkitu. Berak esan zuen moduan, munduan dagoen gauzarik garrantzitsuena maitasuna da. Honi esker munduan bakean bizi gaitezkeelako.

Beraz, azken batean, gabonetako gauzarik garrantzitsuena maitasuna da. Horregatik gehiengoak familiarekin biltzen gara jai hauek ospatzeko; kaleak eta etxeak apaingarriz betetzen dira, opariak jaso eta egiten ditugu, lagunei postalak bidaltzen dizkiegu… Baina azken batean, hauek guztiak maitasunaren seinale dira.

Gogoetarako galderak: 

-         -  Zuk nola ospatzen dituzu jai berezi hauek?

-         -  Zer esan nahi dute?

-         -  Zer da gehien eta gutxien gustatzen zaizuna?
         -  Ze sentimendu sortarazten dizkizu?

MARIA HAURRAren ASTEAN

3. DBHn egindako Bideoa

En el día de la Niña María… ama, abraza, cuida del mundo, comparte con todos, sonríe, se creativo, reparte paz, ten bonitos sueños… En la semana de Niña María, ¡sé feliz!

Sobre eta Kilo operazioa

Dinamika: SOBREA ETA KILO OPERAZIOA

Hilabete honetan Maria Haurraren ospakizunak egingo ditugu, bertan elkarrekin kantatuko dugu eta dinamikak egingo ditugu. Beraz, ez dugu honi guztiari ezer gehiago gehituko.

  Hau dela eta, pentsatu dugu hil honetako keinu xumea MULO proiekturako diru bilketa eta CARITASEra KILO operazioa izatea. Aurreko astetan banatutako sobretxoak bilduko ditugu eta FISCera eramango ditugu. Dinamika honen helburu nagusia elkar laguntzearen kontzientzia piztea da. Guztion artean herri horretako ospitalea martxan jartzeko gai gara. Ea lortzen dugun denok parte hartzea proiektu polit honi laguntzeko.

MARIA HAURRAren EGUNEAN

3. DBHn egindako bideoa